رؤيه مصريه

رؤيه مصريه

Egyptian vision
 
الرئيسيةالبوابهاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 نكت جااااامده

اذهب الى الأسفل 
كاتب الموضوعرسالة
dina
Admin
Admin
avatar

عدد المساهمات : 197
تاريخ التسجيل : 09/03/2011
العمر : 29
الموقع : Mansoura

مُساهمةموضوع: نكت جااااامده    الثلاثاء مارس 15, 2011 3:05 am



البرادعي وأحمد عز ومرشد الإخوان راكبين تاكسي فالبرادعي بيقول : أنا لما بتكلم في ميدان

التحرير بيسقفلي مية ألف و أحمد عز قال : انا لما بخش مقر الحزب بيسقفلي نص مليون ومرشد الإخوان

قال : وأنا لما بخطب في الجامع بيسقفلي مليون فالسواق قام قايلهم : وأنا لو لبست بيكم انتم التلاتة في

حيطة هيسقفلي 80 مليون
- أمنية واحد مصري: يا ريت مبارك كان ضربنا إحنا الضربة الجوية، وراح حكم إسرائيل 30 سنة، كان زمانهم بيشحتوا دلوقتي!

- مبارك بعد ما مات قابل السادات وعبد الناصر، سألوه: هاه؟ سم ولا منصة؟ رد عليهم بحرقة وقال: فيسبوك!

- الرئيس يعلن في بيان: وفاء مني لمصر ورغبة في تلبية طلبات الشعب لن أرحل حتى أحقق مطلب الشعب في القبض على السفاح ومحاكمته.

- بيقولك واحد لقي الفانوس السحري ودعكه.. طلعله العفريت وقاله: شبيك لبيك تطلب أيه؟ قاله الراجل: أنا عايز كوبري بين القاهرة وأسوان. العفريت قاله: دي صعبة قوي.. نقي حاجة تانية. الراجل قاله: خلاص خلي حسني مبارك يسيب الحكم. العفريت قاله: انت عايز الكوبري رايح جاي؟ ولا رايح بس؟

- "بلطجي" لقناة العربية: العيال بيرموا علينا قنابل "بلوتوث".

- شهود عيان فى أروقة وزارة التربيه والتعليم تفيد بأنه قد تم تأجيل امتحانات الدور التانى إلى أجل غير مسمى، معللة هذا بأن النظام سقط وعاوز وقت عشان يلحق يذاكر.

- عقد الريس جلسة مع وزير الداخلية السابق حبيب العدلي قاله محتدا: منعت الحشيش يا فالح؟ أهو الشعب صحصح.

- عمر سليمان: حسني مبارك ده هو أبونا كلنا.. محشش: ده إحنا طلعنا ولاد حرام يا رجالة.

الرئيس حسني مبارك بالطيارة قرر يرمي 100 جنيه يفرح بها عائلة مصرية

قالت زوجته: خليهم خمسين تين وفرح عيلتين

قال ابنه: خليهم 25 وفرح أربع عائلات

قال كابتن الطيارة: يا عم أرم نفسك وفرح 86 مليون مصري.

———— ——— ——— ——— ——— —-

علاء مبارك شارك في من سيربح المليون …..

وصل لآخر سؤال، السؤال: من هو أكبر حرامي في مصر ؟

طلب مساعدة صديق واتصل بأخوه جمال

رد عليه جمال: انسحب باللي كسبتوا وما تخسرش أبوك!!

———— ——— ——— ——— ——— –

حسنى مبارك راح مدرسه ابتدائي فلما جت فتره الاسئله ولد رفع ايده

مبارك سأله اسمك إيه ؟ قاله رامي .. فقاله إيه سؤالك يا رامي ؟

رامي : أنا عندي أربع أسئلة

1. ليه آنت رئيس بقالك 30سنه ؟

2. لسه معينتش نائب ؟

3. ليه ولادك ماسكين كل حاجه في البلد ؟

4. ليه مصر حالتها الاقتصادية زفت وآنت مبتعملش حاجه؟

ساعتها بالضبط رن جرس الراحة وبعد الراحة رجع مبارك وقال احنا كنا فين يا ولاد؟

مين عنده سؤال؟

ولد صغير تانى رفع ايده فمبارك سأله اسمك إيه قاله تامر فقاله سؤالك إيه يا تامر ؟

تامر: أنا عندي 6 اسئله

1. ليه انت رئيس بقالك 30 سنه ؟

2. لسه معينتش نائب ؟

3. ليه ولادك ماسكين كل حاجه في البلد ؟

4. ليه مصر حالتها الاقتصادية زفت و انت مبتعملش حاجه ؟

5. ليه جرس الراحة رن ربع ساعة بدري ؟

6. وبعدين فين رامي ؟؟؟؟؟؟ !!!!!

———— ——— ——— ——— ——

مبارك : عارف يا إبليس ياخويا, أنا عاوز اعمل في الشعب المصري حركه تطلع من نافوخهم

إبليس : طب هات ودنك وخد الفكرة دي ….وش وش وش وش

مبارك : لألا يا إبليس الفكرة دي مش نافعة , عاوز حاجه أشد

إبليس : طب خد دي …… وش وش وش وش

مبارك : لألا , برضه مش نافعة , إيه يا إبليس انت بقيت خرع كده ليه , هات بقه ودنك وأنا أقولك أنا نويت اعمل فيهم إيه وش وش وش وش وش

إبليس : اتقي الله يا راجل حرام

———— ——— ——— ——— ——— ——-

واحد واقف في زحمة المرور لقي واحد متطوع بيخبطله على شباك السيارة ,فتح الشباك وسأله عايز إيه

قاله : الرئيس مبارك خطفوه والفدية 5 مليون دولار ولو الفدية ماتدفعتش .. الخاطفين هددوا يدلقوا عليه بنزين ويولعوا فيه

وإحنا بنجمع تبرعات .. تحب تشارك ؟

الرجل ! سأل " : وفي المتوسط الناس بتتبرع بكام"

المتطوع : " من 5 إلى 10 لتر بنزين .

———— ——— ——— ——— ——— —

مبارك مد إيده في جيبه لقي 5 مليون جنيه !!

زعل قوي وخاف وقال: إيه الفلوس دي ؟!! الفلوس دي حرام؟

سأل أحد مساعديه فدله على طريق الشيخ طنطاوي رئيس الأزهر !

ما كدبش خبر وجري على طنطاوي وحكا له القصة فرد:

5 مليون بس .. إيه النزاهة ديه ؟؟؟

دي بسيطة خالص يا ريس ما تزعلش نفسك؟

كل اللي هتعمله حتروح تمشي بالأحياء الفقيره ، كل ما تمشي 1 كيلو تتبرع بألف جنيه عن كل مليون جنيه وخلاص.

الريس راح يمشي، وهو ماشي لقي صفوت الشريف ماشي في نفس الشارع فقاله:

أنت بتعمل إيه هنا؟ أنت حتمشي كام؟

صفوت قاله 78 كيلو يا ريس.

الريس: يخرب بيتك؟!!! ده أنت نهبت البلد !!

صفوت: أنت جاي عليا وبتحاسبني؟ روح شوف علاء ابنك جايب موتوسيكل وبقاله 3 أيام ماشي بيه

———— ——— ——— ——— ——— —-

حسني مبارك فى سرير المرض وقاعد يلقى بوصاياه الأخيرة لوزيره احمد نظيف :

- وصيتك الحكم من بعدى يا احمد …

- فى رقبتى يا ريس … كله تمام والسلطة هياخدها جمال …

- ثم راح فى غيبوبة .. أفاق منها بعد قليل …

- وصيتك الشعب من بعدى يا احمد .

- ما تخافش يا ريس .. الشعب ياكل الزلط …..

- ثم راح فى غيبوبة .. أفاق منها بعد قليل…. - احمد ..! - نعم يا ريس؟

- بس ماتنساش .. توكيل الزلط لعلاء !!!!

———— ——— ——— ——— ——— ——

حسني مبارك بيخطب في الشعب … كل شويه واحد يقوم ويقول … عاش حسني مبارك موحد الاديان ويقعد ..

يروح حسني مكمل كلامه وشويه ويقوم الراجل ويقول… عاش حسني مبارك موحد الاديان …

اتمسك من امن دوله وطاخ طاخ طاخ ..

قالوله ايه الي انت بتقوله ده ؟!!…. ازاي موحد الاديان ؟؟؟ …….دي مصر فيها مسلمين ومسيحين ويهود وطااااااخ ..

رد عليهم علشان كده يا باشا هوه موحد الأديان …

علشان هوه اللي مكفرنا كلنا…. !!!!

_________________



على ذاك الضؤ الشارد من القمر
رسمت لك أحلى الصور
وعلى صفحة الماء العذب عزفت لك
كي يحلو السمر
فإنسابت مني حروفاً غير حروف البشر
لأنك عندي أرق من ضئ القمر


عدل سابقا من قبل dina في الخميس مارس 17, 2011 2:21 am عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://egyptionvision.forumegypt.net
محمد العادلي

avatar

عدد المساهمات : 48
تاريخ التسجيل : 09/03/2011
العمر : 54
الموقع : القاهره مدينة نصر

مُساهمةموضوع: رد: نكت جااااامده    الخميس مارس 17, 2011 2:19 am





هههههههههههههه

كلهم اجمل من بعض يادينا اجمل ما في المصريين خفة دمهم وقت الازمات

تسلم ايدك يادينا والي الامام
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو https://www.facebook.com/eladly.hf
 
نكت جااااامده
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
رؤيه مصريه  :: القسم الترفيهي :: الفرفشه-
انتقل الى: