خريطه مصر

بسم الله الرحمن الرحيم

خريطه مصرنا الحبيبه............ هل محتاجه تعديلات للاستفاده من كل شبر من بلدنا ؟
هل محتاجين طرق جديده ومجتمعات عمرانيه جديده؟
هل فعلا مصر لايمكن الحياه فيها الا على ضفاف وادى النيل؟
ازاى ممكن نطور ونغير خريطه بلدنا للاحسن؟
انا هقول رايى حسب رؤيتى وياريت الجميع يشاركنى برايهم حتى ولو كان فى رايه بسيط


اولا منخفض القطاره منطقه جميله جدا فى الصحراء الغربيه ومنخفضه عن سطح الارض ويمكن زراعتها ولكن لصعوبه وصول مياه النيل فيمكن استغلالها بطريقه مختلفه وهى كالاتى
يشق طريق من البحر الابيض للقطاره لاغراقه بالمياه ولكن بنسبه يمكن التحكم فيها فتصبح بحر داخلى
اوجه الاستفاده
1توليد الكهرباء بتركيب توربينات عند خلق مساقط للمياه
2تنميه الثروه السمكيه والتحكم فى زرع سلالات جديده
3خلق مجتمع جديد اشبه بالمجتمعات الساحليه وقيام نشاطات مختلفه
4تغيير جذرى فى مناخ المنطقه وتخفيف درجه الحراره فى الناحيه الغربيه
5يمكن استغلالها كواجه سياحيه كمشتى ومصيف يطل على البحر

ثانيا الواحات
شق طريق رئيسى يخرج منه طرق فرعيه يربط الصعيد بالواحات بمحافظه مطروح
اوجه الاستفاده
1ربط اقاليم مصر ببعضها وتسهيل حركه الطرق بدلا من التفاف القادم من الصعيد لمسافات طويله ليصل لطريق الساحل
2فتح طريق للواحات بالتاكيد سيشجع على جلب المستثمرين لاستغلال جنان مصر القابعه فى الصحراء وتكوين مجتمعات وخلق فرص عمل

ثالثا اعاده تقسيم محافظات مصر
بحيث يكون لكل محافظه ظهير صحراوى وراس على نهر النيل بحيث تكون جميع الرؤس المطله على النيل متساويه المسافه
اونقل بعض المؤسسات الحكوميه لهذا الظهير وقيام خدمات تعليم وصحه ونقل
وجه الاستفاده
1تمكين كل محافظه من الوصول بسوله لقلب الصحراء مما سينتج عنه استثمارات ومجتمعات جديده وغزو كامل للصحارى
2اصبح لكل محافظه مطله على النيل حصه مناسبه من المياه يمكن قياسها والسيطره عليها والاهتمام بالزراعه التوجه للبناء فى الظهير الصحراوى للمحافظه
3سهوله السيطره على الهيكل التنظيمى للدوله ومحاسبه المسؤلين عن المحافظات فى ضوء الخطط الموضوعه للتنميه

وانا عن نفسى يا جماعه مستعد اعيش فى حلايب وشلاتين لو هيتوفر لى شقه مناسبه وعمل مناسب وهتجوز واعبد ربنا واعيش سعيد
ياريت يا جماعه اسمع اضافتكم لاى شبر من ارض مصر وشكرا للجميع واسف للاطاله

السلام عليكم
تحية طيبة معطرة للاستاذ / عمرو
بارك الله فيك لهذا الموضوع
ححضرتك شفت المشروع بتاع د/ فاروق الباز بتاع الوادي الموازي
عوزين كلنا ندعم هذا المشروع
لانه بيبني مصر تانية
ممكم نتعاون و ننزله في حلقات مسلسة و نشرحه معنا

الظافر

شكرا يا جماعه على ردودكم
بس فيه نقطه لازم كلنا ننتبه ليها دورنا السياسى الفتره الجايه هيكون محدود وانا شايف ان الاولويه دلوقت للخطط الميدانيه والاصلاح الميدانى مع الاطلاع والمشاركه فى الموقف السياسى لكن الاولويه للاصلاح الميدانى
بالنسبه لمجلس الشعب انشاء الله فيه فكره لتنظيم مجموعات من الشباب لنشر الوعى بين الناس فى التجمعات والمساجد والكنائس وامام اللجان الانتخابيه اما بالنسبه لرئيس الجمهوريه فجهدنا هيكون محدود فى النقطه دى على نشر الوعى المتضمن
عدم تصديق الشائعات
معرفه البرامج الانتخابيه للمرشحين والتفكير فيها جيدا
التاكد من نزاهه الشخص المرشح وفى النهايه فيه حريه وديمقراطيه فى اعطاء الاصوات
وانا متفائل ان انشاء الله ربنا هيولى علينا من يرضى بحكمه

بالنسبه لمشروع الدكتور فاروق مشروع جبار وعظيم وهينقل البلد نقله مفاجاه وياريت لو فيه عندك يا ظافر اى اقترحات لدعمه تفيدنا بيها وانشاء الله قريب ننشر المشروع بالتفاصيل ونناقشه
وشكراااا للجميع